नाफामा गएको भन्दै यसअघि घटाए झै गरेको पेट्रोलियम पदार्थको मूल्य पुनः बृद्धि

फाष्ट मिडिया नेपाल संवाददाता

काठमाडौं । आयल निगम नाफामा गएको हवाला दिँदै केही मूल्य घटाएको आयल निगमले पुनः पेट्रोलियम पदार्थमा भरी मुल्य बृद्धि गरेको छ । तर घाटा व्यहोरिरहेको भनिएको खाना पकाउने एलपी ग्यासको मूल्य भने घटाएको छ । 

निगमले मंगलबार राति १२ बजेबाट लागू हुने गरी पेट्रोलको प्रतिलिटर ९ रुपैयाँ, डिजेल तथा मट्टितेलको ७ रुपैयाँ मूल्य बढाएको हो । खाना पकाउने ग्यासको भाउ सिलिन्डरमा १३० रूपैयाँ घटाएको निगमले जनाएको छ ।

भारतीय आयल कर्पोरेसन (आइओसी) ले पठाएको मूल्यसूची अनुसार निगमले नयाँ भाउ तोकेको हो। निगमका अनुसार आइओसीले पेट्रोलमा प्रतिलिटर आठ रूपैयाँ १४ पैसा र डिजेलमा ६ रूपैयाँ ८६ पैसा बढाएर नयाँ मूल्य सूची पठाएको छ। ग्यासमा भने प्रतिसिलिन्डर ११७ रूपैयाँ ६२ पैसा घटाएर पठाएको छ।