सेभ द अर्थ सुनसरीको २५ औँ वार्षिक साधारण सभा सम्पन्न

सुनसरी ॥ सामाजिक क्षेत्रमा विगत लामो समयदेखि क्रियाशील रहेको संस्था, सेभ द अर्थ   (अन्तराष्ट्रिय पृथ्वी बचाउ संस्था ) सुनसरीले शुक्रबार आफ्नो २५ औँ वार्षिक साधारण सभा भव्यताको साथ सम्पन्न गरेको छ । संस्थाका अध्यक्ष पुष्प भट्टराईको अध्यक्षतामा भएको कार्यक्रम रामधुनी न.पा वडा नं १ स्थित घोँगी बग्या थारु भिलेजमा सम्पन्न भएको हो ।

यस्तै संस्थाको साझेदार संस्थाको रुपमा रहेको फेयर मेडका टिम लिडर डम्बर सिंह गुरुङले सेभ द अर्थ जिल्लामा हाल क्रियाशील रहेको संस्थाहरुमध्ये उत्कृष्ट रहेको भन्दै संस्थाको प्रशंसा गरे । उनले कार्यक्रम कार्यान्वयनमा यस संस्थाले पारदर्शिता कायम गर्न सफल रहेको बताउदै फेयर मेड र सेभ द अर्थबिचको सहकार्य अझ लामोसम्म लैजान सकिने धारणा राखेका थिए । हाल फेयर मेड सँगको सहकार्यमा यस संस्थाले रामधुनीको चारवटा वडाहरुमा विश्वास परियोजना सञ्चालन गरिरहेको छ । उष्ण प्रादेशीय रोगहरुकोबारेमा संस्थाले स्वस्थ्य स्वयंसेवक खटाई हाल विभिन्न जनचेतनामूलक कार्यक्रमहरु र तालिम आयोजना गरिरहेको छ ।

यसका अतिरिक्त संस्थाले सामाजिक क्षेत्रमा लाग्न प्रेरित गर्न विभिन्न विद्यालयमा समाज कार्य तथा यस सम्बन्धी अध्ययन गरिरहेका विद्यार्थीहरुलाई इन्टर्नशिपको अवसर दिएर उनीहरुको क्षमता अभिवृद्धी गर्न पनि सहयोग गरिरहेको छ ।