युनिकोड
विनिमय दर
सुन चाँदि
राशिफल
मौसम
शेयर बजार
पात्रो
मानव जीवन सर्वोपरि
नेपाली सेनाले स्पष्ट रूपमा कुनै पनि भौतिक संरचना, सिंहदरबारसमेत मानिसको ज्यानभन्दा ठूलो नभएको जनाएको छ। जीवन रक्षा नै पहिलो प्राथमिकता रहेको सेनाको निचोड छ ।
संवैधानिक दायरा र नागरिक सर्वोच्चताको पालना
सेना पूर्ण रूपमा संविधान, नागरिक सर्वोच्चता र निर्वाचित सरकारको अधीनमा रहेर मात्र परिचालित भएको स्पष्ट गरिएको छ ।
कार्यपालिकाको निर्णय अधिकारको सम्मान
जेन–जी आन्दोलनपछि निर्णयको अन्तिम अधिकार राष्ट्रपति र कार्यपालिकाकै भएको र सेनाले त्यसलाई सम्मान गरेको उल्लेख छ ।
राजनीतिक महत्वाकाङ्क्षा नरहेको दाबी
सेनाले कुनै राजनीतिक एजेन्डा नबोकेको र सत्ता हस्तक्षेपको आकाङ्क्षा नराखेको स्पष्ट पारेको छ ।
सङ्कट व्यवस्थापनमा संयोजन र संवादको भूमिका
परिस्थिति थप बिग्रिन नदिन सरोकारवालाबीच संवादको वातावरण बनाउन सहजीकरण गर्नु सेनाको जिम्मेवारी भएको उल्लेख छ ।
अन्तिम उपायका रूपमा मात्र सेनाको प्रयोग
आन्तरिक सुरक्षा प्रहरी र सशस्त्र प्रहरीको जिम्मेवारी भएको र सेना अन्तिम विकल्पका रूपमा मात्रै रहने संवैधानिक व्यवस्था दोहो¥याइएको छ ।
राष्ट्रिय एकताको सन्देश राजनीतिक होइन
पृथ्वीनारायण शाहको तस्बिर प्रयोगलाई राजनीतिक सन्देश नभई राष्ट्रिय एकता र चेतनाको प्रतीकका रूपमा व्याख्या गरिएको छ ।
सुरक्षा निकायलाई वस्तुपरक मूल्याङ्कनसहित मजबुत बनाउनुपर्ने
सतही आलोचनाभन्दा वस्तुपरक विश्लेषण गर्दै सबै सुरक्षा निकायलाई सुदृढ बनाउनु राष्ट्रहितमा हुने निष्कर्ष निकालिएको छ ।
फाष्ट मिडिया नेपाल संवाददाता
