मोरङको सुन्दरहरैचा बाँसबासीको पुलमुनी बुलेट बाइक र शव फेला

फाष्ट मिडिया नेपाल संवाददाता

बलिया (मोरङ) ।मोरङ सुन्दरहरैंचा नगरपालिका वडा नं. ५ बाँसबारीस्थित एक पुलमुनी बुलेट बाइक र शव फेला परेको छ । प्रदेश १–०२–०५० प ८०८४ नम्बरको बुलेट बाइक र स्थानीय एक युवाको शव फेला परेको हो । गएराति नै दुर्घटनाको रुप जस्तो देखिने सो स्थलमा पानीका कारणले चोट नलागे पानीमा डुबेर निधन भएको अनुमान लगाइँदैछ । सो वडाका वडाअध्यक्ष गणेश चौधरीको घर अगाडिको पुलमुनी सो बाइक र शव फेला परेको स्थानीयले बताए । स्थानीयका अनुसार मृतक पनि स्थानीय नै रहेको खुलेको छ । मृतकको पहिचान खुल्न सकेको छैन ।