हुम्लामा माटोको ढिस्कोले पुरिएर एक महिलाको मृत्यु, ४ घाइते

इटहरी । हुम्लामा माटोको ढिस्कोले पुरिएर २८ वर्षीया एक महिलाको मृत्यु भएको छ। घटनामा अन्य चार महिला घाइते भएका छन्।

सर्केगाड गाउँपालिका–७ को रोडिकोटस्थित राहाकोटमा माटो खन्ने व्रmममा ढिस्कोले पुरिएर स्थानीय २८ वर्षीया नेत्रकला जैसीको मृत्यु भएको हो। 

जिल्ला प्रहरी कार्यालय हुम्लाका अनुसार बुधबार घर लिपपोत गर्ने माटो खन्ने व्रmममा माथिबाट ढिस्को खसेर उनलाई पुरेको थियो। जैसीको घटनास्थलमै मृत्यु भएको  हुम्लाका प्रहरी प्रमुख प्रहरी नायब उपरीक्षक ९डीएसपी० शंकर पोखरेलले जानकारी दिए। 

माटोको ढिस्कोले पुरिँदा जैसीसँगै माटो खन्न गएका अन्य चार जना घाइते भएका छन्। घाइते हुनेमा स्थानीय २५ वर्षीया तीर्थकला जैसी, २७ वर्षीया जालकी जैसी, २० वर्षीया लक्ष्मी जैसी र २६ वर्षीया मन्जु जैसी रहेका छन्। उनीहरु सबै खतरा मुक्त रहेका प्रहरीले जनाएको छ।