युनिकोड
विनिमय दर
सुन चाँदि
राशिफल
मौसम
शेयर बजार
पात्रो
मेष – सहकर्मीहरूसँग प्रतिस्पर्धा बढ्ने समय छ । बिनाकारण आफन्तजनबाट टाढिनुपर्ला । मातापिताका बारेमा चिन्ता बढ्नेछ । आजको दिन विश्वासपात्रले धोका दिन सक्छन् । पैत्रिक सम्पत्तिमा विवाद आउनुका साथै दाजुभाइमा भागबन्डाको योग छ । व्यवसाय र कृषितर्फ लगनशीलताले ठूलो काम बन्न सक्छ, ध्यान राख्नुहोला । राजकाजका कार्यमा सफलता प्राप्त हुनेछ ।
वृष – आजको दिन राहुको प्रभावले विवाद, धनहानी, लाञ्छना जस्ता समस्या आउन सक्छन्, एकदम सावधानीका साथ कदम चाल्नु हितकर हुनेछ । पारिवारिक असमझदारी, बन्धुबान्धवसँग मनमुटाव र छटपटी बढ्ने योग छ । सामाजिक प्रतिष्ठामा कमी आउन सक्छ । एक्लोपनाको अनुभूति होला । काममा विलम्ब र चुनौती सामना गर्नुका साथै अपजशको सम्भावना रहेकोले दैनन्दिन व्यवहारमा विशेष सजगता अपनाउनु उचित हुनेछ । आर्थिक कार्यमा भने आंशिक सफलता मिल्नेछ ।
मिथुन – आजको दिन केही चुनौतीयुक्त रहला । पारिवारिक समस्याहरू देखापर्ने तथा दैनन्दिन कार्यमा कसैसँग असमझदारी बढ्ने योग छ । जोखिम बढ्नेछ, काममा अरुको भर नपर्नु हितकर हुनेछ । विद्यार्थीहरूमा पढाइलेखाइको स्तर खस्कन सक्छ । तथापि, ग्रहके प्रभावले परोपकार र मङ्गलमय काम सम्पादन गरिएला । मित्रता, प्रेम र दाम्पत्य सम्बन्धका लागि समय अनुकूल देखिन्छ । शत्रुपक्षले सताउन सक्छन्, सजग रही कार्य गर्नुहोला ।
कर्कट – आजको दिन स्वास्थ्यगत दृष्टिले केही चुनौती रहेपनि व्यवसायिक प्रगति एवम् रोकिएका काम बन्नेछन् । बौद्धिक कार्यमा सफलता मिल्नेछ । विद्यार्थीहरूका लागि अनुकूल समय छ । अतिरिक्त आम्दानीको स्रोत खुल्ने योग छ । सामाजिक तथा आध्यात्मिक कार्यमा रुचि बढ्नेछ । साझेदारीको काम बन्नेछ भने परिवारिक सुख वृद्धि हुनेछ । रसरागमा आकर्षण रहला ।
सिंह – नयाँ उद्योग-धन्दाको थालनी गर्न सकिने समय छ । आयआर्जनको कमीले ठूलो प्रगतिमा बाधा पुगेपनि समाजसेवा र परोपकारका कार्य गरिएला । उत्तम रोजगारी, नोकरीमा प्रवेश वा पदोन्नति सम्भावना छ । आजको दिन आफन्तजनसँग सजग रही व्यवहार गर्नु हितकर हुनेछ । सबल स्वास्थ्यका लागि विशेष सावधानी अपनाउनुहोला । मनोरञ्जनात्मक क्रियाकलापमा मन जाला ।
कन्या – आजको दिन स्वास्थ्य केही कमजोर, काममा झमेला र आफन्तबीच असमझदारी बढ्ने देखिन्छ । सोच्दैनसोचेको विषयमा झुटा आरोप आइलाग्न सक्छ । सहयोगी वा अनुयायीले समेत प्रतिस्पर्धा गर्न थाल्नेछन् । बाहिरी यात्रा र प्रवासमा हुनेहरूलाई भने समय अनुकूल देखिन्छ । नयाँ नोकरीमा प्रवेश, पदोन्नति वा अनुकूल स्थानान्तरणको योग छ । आफन्तको साथ प्राप्त हुनेछ ।
तुला – ब्यस्तता बढेपनि बौद्धिक प्रभाव बढ्नुका साथै विभिन्न अवसर पाइने समय छ । साना व्यक्तिको सहयोगले ठूलो फाइदा उठाउन सकिएला । जीवनसाथी र सन्तानका तर्फबाट भौतिक सम्पत्ति लाभ हुने योग छ । घर–जग्गा जोड्ने प्रयासमा रहेको व्यक्तिका लागि उचित अवसर जुर्न सक्छ । यात्रागत कार्यमा विशेष सफलता मिल्नेछ ।
वृश्चिक – समय शुभदायी छ । विश्वासमा पारेर धोका दिनेहरूले अवरोधको प्रयास गरेपनि रोकिएका काम बन्न थाल्नेछन् । परोपकार र सामाजिक काममा रुचि जाग्नेछ । पठनपाठनमा पनि प्रगति होला । सोच्ने शक्ति बढ्नेछ । आफन्तको साथ सहयोगले पराक्रम वृद्धि होला । कुरा काट्नेहरुले पनि प्रशम्सा गर्ने योग छ । प्रयत्न गरे व्यापार–व्यवसाय विस्तार हुने देखिन्छ । आरोग्यता रहनेछ ।
धनु – सामाजिक प्रतिष्ठा बढ्ने तथा मानसम्मान मिल्ने समय छ । जीवनसाथीबाट पाइने साथ र सहयोगीहरूको मद्दतले महत्वपूर्ण कार्य सहजै सफल हुनेछन् । अनुसन्धानका कार्यमा लागेका व्यक्तिका लागि विशेष उपलब्धिमूलक दिन छ । सहयोगीको राम्रो साथ पाइएला । शिक्षा र साझेदारीमा फाइदा हुनेछ । मिठो भोजन प्राप्त हुनेछ । सुख बढ्नेछ ।
मकर – स्थायी सम्पत्ति जोड्ने समय छ । नयाँ नोकरी, पदोन्नति वा अनुकूल स्थानान्तरण सम्भावित छ, बुद्धि–विवेकको प्रयोग गर्नुहोला । बोलीको गलत अर्थ लाग्ने, विवादमा परिने र आर्थिक संकटले सताउने योग छ । तर, सन्तान पक्षबाट लाभ र सुख मिल्नेछ । दीर्घकालीन योजनाहरू सम्पादन हुनेछन् । आरोग्यता रहला । चुनौतीका बाबजुद दायित्व पूरा गर्नुहुनेछ ।
कुम्भ – आम्दानीका विभिन्न माध्यम फेला पर्ने समय छ । तपाईंको सौम्य व्यवहारका कारण मानसम्मान प्राप्त होला । आयआर्जनका स्रोत बढ्नेछन् भने उद्योगधन्दा र रोजगारीका लागि विभिन्न अवसर आउने योग छ । धार्मिक तथा सामाजिक काममा रुचि जाग्नेछ । सामर्थ्य वृद्धिका साथै बौद्धिक र रचनात्मक कार्य बन्नेछ । कृषि र पशुपालनतर्फ सामान्य समय छ ।
मीन – बिनाकारण अनेक चुनौती सामना गर्नुपर्ला, तर विभिन्न अवसरले पछ्याउने समय छ । आयआर्जनका स्रोत भेटिनेछ भने व्यवसायमा सोचेभन्दा बढी सफलता मिल्ने योग छ । कर्मबल बढ्नेछ । स्थापित व्यवसाय, कृषिकर्म र उद्योगधन्दालाई निरन्तरता दिन सकिनेछ । पढाइलेखाइमा पनि मन जाला । मिठो भोजन र मनोरञ्जनात्मक क्रियाकलापका साथ दिन बित्ने देखिन्छ ।
फामिने ज्योतिष
