युनिकोड
विनिमय दर
सुन चाँदि
राशिफल
मौसम
शेयर बजार
पात्रो
इटहरी । भकभकेपन बोली (Stammering) सम्बन्धी सचेतना तथा परामर्शसम्बन्धी दुई दिने कार्यक्रम नेपाल भकभके संघकाे आयाेजनामा इटहरीमा सञ्चालन भइरहेको छ ।
महिला, बालबालिका तथा जेष्ठ नागरिक मन्त्रालय र काठमाडौँ महानगरपालिकाको सहयोगमा आयोजना गरिएको उक्त कार्यक्रममा भकभकेपन समस्या भएका व्यक्तिहरूको पहिचान गरी थेरापी कार्यक्रममार्फत भकभकेपनको लेबल पहिचान गरिने सल्लाहकार शंकर प्रसाद गाैतमले जानकारी गराए ।
उनका अनुसार लेबल पहिचानपछि भकभकेपन कसरी न्यूनिकरण गर्न सकिन्छ भन्ने विषयमा सहभागीहरूलाई व्यावहारिक अभ्यास गराइनेछ । साथै, समस्या जटिल देखिएमा नेपालमा स्पिच थेरापी सेवा उपलब्ध रहेका अस्पताल तथा केन्द्रहरूको बारेमा समेत जानकारी गराइने कार्यक्रम रहेको सल्लाहकार गाैतमले बताए ।
कार्यक्रम संस्थाका अध्यक्ष प्रशान्त डङ्गोलको सभापतित्व तथा इटहरी उपमहानगरपालिकाकी उपमेयर सङ्गीता चौधरीको प्रमुख आतिथ्यतामा सम्पन्न भएको हो ।
सो कार्यक्रममा शिक्षा, स्वास्थ्य लगायत विभिन्न संघसंस्थाका प्रतिनिधिहरूको उल्लेखनीय सहभागिता रहेको थियो ।
सुप्रिया राई
