युनिकोड
विनिमय दर
सुन चाँदि
राशिफल
मौसम
शेयर बजार
पात्रो
इटहरी । नेपाल प्रिमियर लिग (एनपिएल) क्रिकेटमा विराटनगर किंग्सले लगातार दोस्रो खेलमा जित हासिल गरेको छ।
शनिबार भएको दिनको दोस्रो खेलमा काठमान्डु गोर्खाजलाई ५ विकेटले हराउँदै विराटनगर किंग्सले लगातार दोस्रो जित हात पारेको हो। यसअघि पहिलो खेलमा काठमान्डुले पोखरा एभेन्जर्सलाई हराएको थियो।
टियु मैदान कीर्तिपुरमा टस हारेर पहिले ब्याटिङ गरेको काठमान्डुले निर्धारित २० ओभरमा ६ विकेट गुमाएर १ सय ३४ रन बनाएको थियो। जवाफमा विराटनगरले १ सय ३५ रनको लक्ष्य १७ बल बाँकी हुँदै ५ विकेट गुमाएर पूरा गर्यो।
विराटनगरका लागि जर्ज मुन्सीले ३६ रन बनाउँदा लोकेश बमले १४ रन बनाए। त्यस्तै, मार्टिन गुप्टिलले २५ रन बनाउँदा बसिर अहमदले १९ रनको इनिङ्स खेले।
त्यस्तै, नरेन भट्टाले २४ रन बनाएर पेभिलियन फर्किँदा सन्दीप लामिछाने ९ रनमा अविजित रहँदै टिमलाई जित दिलाए। काठमान्डुका लागि शाहब अलामले २ विकेट लिँदा करण केसी, जेर्हार्ड एरासमस र सन्तोष यादवले १(१ विकेट लिएका थिए।
त्यसअघि पहिले ब्याटिङ गरेको काठमान्डुले सामान्य स्कोर बनाएको थियो। उसका लागि बेन चार्लेसवर्थले ३२ रन बनाउँदा सन्तोष यादवले २६ रन बनाए। त्यस्तै, मोहम्मद आदिल अलामले ४८ रनको अविजित इनिङ्स खेल्दा गेर्हार्ड एरासमसले १० रन बनाएका थिए।
काठमान्डुलाई सस्तैमा समेट्ने क्रममा मर्चेन्ट डि लङ्गले २ विकेट लिँदा शुभम रञ्जन, सूर्य तामाङ्ग र सन्दीप लामिछानेले समान १(१ विकेट लिएका थिए।
खगेन्द्र कार्की
